Shatdaýn: Pentagon áskerılerdiń jalaqysyn tóleý úshin anonımdi kómek aldy

ASTANA. KAZINFORM — Pentagon shatdaýn kezinde áskerı qyzmetkerlerge jalaqy tóleý úshin 130 mıllıon dollar kóleminde jasyryn qaıyrymdylyq kómek aldy, dep habarlaıdy Report. 

Bul týraly Pentagon basshysynyń qoǵammen baılanys jónindegi kómekshisi  Shon Parnell málimdedi.

— AQSh Soǵys mınıstrligi qaıyrymdylyq maqsattaǵy 130 mıllıon dollar kólemindegi anonımdi kómekti qabyldady. Bul qarjy áskerı qyzmetkerlerdiń jalaqysy men járdemaqy shyǵyndaryn óteýge jumsalady degen shartpen berilgen, — dedi ol.

Buǵan deıin AQSh tarıhyndaǵy ekinshi eń uzaq shatdaýn týraly jazdyq.

Sondaı-aq AQSh-tyń Qazaqstandaǵy elshiligi shatdaýnǵa baılanysty málimdeme jasady.