Shatdaýn: AQSh-ta 1400-den astam reıs toqtatyldy

ASTANA. KAZINFORM — AQSh-taǵy avıakompanııalarǵa tasymaldaý kólemin azaıtý týraly nusqaý berilgennen keıin 1400-den astam ishki jáne halyqaralyq reısi toqtatyldy. Bul týraly VSS agenttigi jazdy. 

FlightAware ushýdy baqylaý qyzmetiniń málimetinshe, juma kúni 7 myńnan astam reıstiń keshkeni tirkelgen.

Osy aptanyń basynda Federaldy avıatsııa basqarmasy (FAA) eldiń eń kóp jumys isteıtin 40 áýejaıynda áýe tasymalynyń ótkizý qabilettiligin kem degende 10% qysqartqanyn jarııalady. Óıtkeni shatdaýn kezinde aqysyz jumys isteıtin áýe dıspetcherleri sharshadyq dep shaǵymdanǵan.

Respýblıkashyldar men demokrattar Kongresstiń tyǵyryqtan qalaı shyǵýy týraly áli de bir kelisimge kelmedi. Bıyl 1 qazanda jarııalanǵan shatdaýn áli aıaqtalǵan joq.

Aıta keteıik, Donald Tramp shatdaýn kezinde azyq-túlik markalaryn qarjylandyrýdy kózdeıtinin aıtqan bolatyn.