Shashtyń aǵarýyna jaýapty gen tabyldy
ASTANA. QazAqparat - London ýnıversıtetiniń mamandary shashtyń aǵarýyna ákeletin gendi tapty, dep jazady 24.kz.
Ǵalymdar Ońtústik Amerıkanyń 6 myńnan asa turǵynynyń DNQ-syn zerttep kórdi. Bul qurlyqta túrli násildiń ókilderi turatyndyqtan, olardyń genetıkalyq qurylymy da san alýan. Zertteý nátıjesinde shashtyń túsi, qalyńdyǵy men túzýligi úshin jaýapty IRF4 geni ekeni anyqtaldy.
Bul genniń eki túri bar eken. Bireýi búkil álem turǵyndarynda taralǵan bolsa, ekinshi túri tek eýropalyqtarǵa tán. Sol ekinshi túri shashty eki ese jıi aǵartady dep topshylaǵan ǵalymdar «bolashaqta bul gendi óshirýge bolady», - deıdi. Biraq ol úshin áli talaı zertteý júrgizip, onyń paıdasy men zııan áserlerin baǵalaý qajet. Al qarapaıym halyq bul jańalyqqa ártúrli baǵa berip jatyr.
