Shashtaraz ben sulýlyq salondarynyń qyzmeti 15%-ǵa kóterildi

ASTANA. KAZINFORM — 2023 jylǵy qańtar-jeltoqsan aılarynda elimizde shashtaraz jáne sulýlyq salondarynyń qyzmeti 62,3 mlrd teńgege jetti. Bul — ótken jylmen salystyrǵanda 80,2%-ǵa artyq.

Finprom.kz málimetinshe, kóbine almatylyqtar sulýlyq salondarynyń tabaldyryǵyn (19,9 mlrd teńge) «tozdyrady» eken.

Astana ekinshi orynda tur (12,6 mlrd. teńge). Úshtikti Qaraǵandy oblysy túıindedi (6,4 mlrd teńge).

Túrkistan oblysynda bar bolǵany 389,8 mln. teńgege qyzmet kórsetilgen.

Almaty oblysy (528,7 mln teńge) jáne Ulytaý (555,6 mln teńge) oblysy da qyzmet kórsetý kórsetkishi boıynsha tómen satylarda ornalasqan.

Baǵaǵa toqtalsaq, 2024 jyldyń qańtarynda shashtarazdar men sulýlyq salondarynyń baǵasy ótken jyldyń qańtarymen salystyrǵanda 14,5%-ǵa qymbattaǵan.

Baǵanyń eń kóp ósimi Shymkentte baıqaldy (jylyna 22,5%).

Sondaı-aq, Almaty (22,1%) jáne Abaı (21,9%) oblystarynda da qymbatshylyq tirkeldi.

Bir jylda pedıkıýr baǵasy 10%-ǵa, manıkıýr 16,4%-ǵa, epılıatsııa 7,5%-ǵa ósti.

Áıelderdiń shash qııýy 18%-ǵa, erlerdiki 14,3%-ǵa qymbattaǵanyn atap ótken jón.

Bıyl qańtar aıynda respýblıka boıynsha orta eseppen áıelderdiń shash qııýy — 3,5 myń teńge, erlerdiń shash qııýy — 2,4 myń teńge boldy.