Shashyn taqyrlap alyp, zorlaǵan: taldyqorǵandyq qyzdyń ólimine qatysty jańa derek shyqty
Osydan úsh aıǵa jýyq ýaqyt buryn joǵalǵan Karına Darohınanyń múrdesi birneshe kún buryn Tekeli taýynan tabylǵan bolatyn. Keshe jasóspirim qyzdyń ólimine qatysty jańa derekter málim boldy, dep habarlaıdy Kazinform.
Saraptamashynyń boljamy boıynsha, Karınany arqanmen býyndyryp óltirgen. Oǵan deıin qyzdyń shashyn taqyrlap alyp tastaǵany da belgili boldy. Eń soraqysy, saraptama oqýshynyń jynystyq zorlyq-zombylyqqa ushyraǵanyn da anyqtaǵan.
«Oqýshy qyzdyń máıitine jasalǵan saraptamanyń alǵashqy nátıjesi boıynsha ony býyndyryp óltirgen degen qorytyndy jasaldy. Sondaı-aq, jasóspirimniń buǵan deıin seksýaldyq qarym-qatynasta bolǵany jáne shashyn taqyrlap alyp tastaǵany anyqtaldy, - dep habarlady jergilikti polıtsııadaǵy aqparat kózi.
Qazir polıtsııa qylmysqa kúdikti retinde ustalǵan ógeı ákeni zorlaýǵa qatysty qaıta tekserýdi bastady. Sondaı-aq onyń otbasyndaǵy basqa da balalary tıisti tekserýden ótkizilmek. Jáne búgin Taldyqorǵandaǵy jaqyndary men dostary Karına Darohınanyń denesin jer qoınyna tapsyrdy.
Qandy oqıǵaǵa qatysty tergeý barysy Kazinform nazarynda bolady.
