Shash qııa alasyz, tyrnaq boıaýǵa bolmaıdy: Bekshın karantın kezinde jumys isteıtin ShOB jaıly
ALMATY. QazAqparat – Almatyda ótken onlaın brıfıng barysynda qalanyń bas sanıtarlyq dárigeri Jandarbek Bekshın qandaı ShOB túrlerine karantın aıasynda jumys isteýge bolatynyn túsindirdi, dep habarlaıdy QazAqparat tilshisi.
«Eger qyzmet kórsetý salasynda jumys isteıtin sýbektilerge kelsek, shtab shashtarazdarǵa shekteýli ýaqyt arasynda jumys isteýge ruqsat beredi. Epıdemıologııalyq turǵydan shash kesý az ýaqyt, ary ketkende orta eseppen 30-40 mınýt alady. Jeke master men klıent qana baılanysta bolady. Klıentter aldyn ala jazylyp kelýi kerek. Al sulýlyq salonynyń qyzmetterine kelsek, manıkıýr, pedıkıýr degen sııaqty qyzmetterdi júzege asyrý uzaq ýaqytty alady. Ári klıent pen master asa jaqyn qatynasta bolady. Bul juqtyrý qaýpin týǵyzady», - dedi J.Bekshın.
Aıta ketý kerek, QR Prezıdenti janyndaǵy TJ rejımin qamtamasyz etý boıynsha Memlekettik komıssııa 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitken bolatyn.
