Sharyndaǵy oqıǵa: Almatyda muǵalimderdiń biliktiligin arttyrýǵa arnalǵan kýrs uıymdastyrylady
ALMATY. QazAqparat - Sharyn shatqaly men Reseıdiń Qazan qalasynda bolǵan qaıǵyly oqıǵalardan keıin Almaty muǵalimderine biliktiligin arttyrýǵa arnalǵan kýrs uıymdastyrylady. Bul týraly qalalyq bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.
«Qazan men Sharyn shatqalyndaǵy qaıǵyly oqıǵadan keıin bul óte ózekti másele bolyp tur. Ásirese, bizge, muǵalimderge, basshylarǵa, barlyq mektep qyzmetkerlerine, bilim berý uıymdaryna balalardyń minez-qulyq qaýipsizdigi erejeleri boıynsha kýrstardan ótý kerektigin kórsetti. Qazirgi ýaqytta bilim basqarmasy men qalalyq ákimdik birqatar sharalar keshenin, onyń ishinde mektep basshylary men muǵalimderine arnalǵan kýrstardy bekitti», - dedi Lázzat Jylqybaeva.
Onyń aıtýynsha, mektep psıhologteriniń biliktiligin arttyrý máselesi qosymsha qarastyrylýda.
«Qaladaǵy 207 mektepte 360 psıholog jumys isteıdi. Sońǵy ýaqytta mektep psıhologteri úshin arnaıy kýrstar uıymdastyrylmaǵan edi. ıAǵnı, psıhologterge, muǵalimderge, mektep qyzmetkerlerine qosymsha oqytý kýrstary uıymdastyrylady», - dedi Lázzat Jylqybaeva.
Esterińizge sala ketsek, 29 mamyr kúni Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn.
11 mamyrda Reseıdiń Qazan qalasynda mektepte atys boldy . Oqıǵa saldarynan 9 adam qaıtys bolyp, birneshe adam jaraqat aldy.
