Sharyn ulttyq parkinde taýtekeler fototuzaqqa ilindi

ALMATY. QazAqparat - Sharyn memlekettik ulttyq tabıǵı parkin mekendeıtin eki taýteke fototuzaqqa ilindi, dep habarlaıdy QazAqparat tilshisi.

Sharyn MUTP taý ústinde súzisip jatqan eki taýtekeniń vıdeosyn Instagram-ǵa saldy.

«Bul Sharyn MUTP aýmaǵyndaǵy Úlken Buǵyty taýynda ornatylǵan fototuzaqqa ilikken taýtekeler. Fototuzaq ótken jyly kúzgi esepti júrgizý kezinde Zoologııa ınstıtýtynyń mamandarymen birlese ornatylǵan bolatyn», - dep jazdy Sharyn ulttyq parki jelide.
Sonymen qatar, Sharyn MUTP 2022-2023 jyldar aralyǵynda fototuzaqqa ilikken taýtekelerdiń sýretterin jarııalady.

Aıta keteıik, taýteke (lat. Capra sibirica) – qýysmúıizdiler tuqymdasyna jatatyn juptuıaqty janýar. Taýtekeler Qazaqstanda Tıan-Shan, Jetisý (Jońǵar) Alataýy men Ońtústik Altaıda quz jartastar arasynda mekendeıdi.