Sharyn ulttyq parkinde sileýsin fototuzaqqa túsip qaldy

ASTANA. QazAqparat - Sońǵy eki jylda alǵash ret atalmysh janýar Sharyn ulttyq parkindegi Buǵyty taý ýchaskesine ornatylǵan fototuzaq obektıvine túsip qaldy, dep habarlaıdy QazAqparat.

QR Ekologııa jáne tabıǵı resrýstar mınıstrligi baspasóz qyzmetiniń habarlaýynsha, bul jyrtqysh negizinen túnde belsendi, ońaı ári eshbir dybys shyǵarmaı qozǵalady. Al sileýsin terisiniń ala bolyp kelýi, ony aǵashtardyń arasyna ońaı jasyrýyna kómektesedi, sebebi kún sáýlesinen túsken jaryqtan sútqorekti baıqalmaı qalady.

Shabýyldaý barysynda 4 metrge deıin sekiredi. Sonymen qatar, eresek daraǵy 1 kúnde 30 shaqyrymǵa deıinge ara qashyqty eńsere alady.