Sharyn ulttyq parkinde óte sırek kezdesetin albınos qaraquıryq tabyldy
NUR-SULTAN. QazAqparat – Sharyn ulttyq parkinde tabıǵatta sırek kezdesetin albınos qaraquıryq vıdeoǵa túsirildi, dep habarlaıdy QazAqparat tilshisi.
«Bizdiń Sharyn ulttyq parkindegi ınspektorlary telefonnyń kamerasyna albınos qaraquıryqty túsirip aldy. Túsi appaq túz taǵysy – biz úshin úlken syı. Sebebi qaraquıryqtyń aq tústi túri tabıǵatta jıi kezdese bermeıdi. Albınostarǵa tirshilik etý qıyn bolsa da bul qaraquıryq aman qalar dep úmittenemiz», - dep jazdy Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Facebook paraqshasynda.
Qaraquıryq Qazaqstannyń Qyzyl kitabyna engizilgen. Úshinshi sanattaǵy túz taǵysy. ıAǵnı ańnyń sırek kezdesetin túrine jatady. Bóken tuqymdas tarmaǵy men qaraquıryq tuqymynyń elimizdegi jalǵyz túri.
«Janýarlar áleminde teri men júni, kózi tabıǵı sıpattan tys túske ıe ańdardy albınostar dep ataıdy. Alaıda tabıǵı ortada olarǵa tirshilik etý óte qıynǵa túsetinin kóp adam bile bermeıdi. Sırek kezdesetin túske ıe ańdar kóp jaǵdaıda úıirinen shettelip qalady da, olarǵa kóbeıý úshin jup, tirshilik úshin azyq tabý qıynǵa aınalady. Mundaı ǵajaıyp – týmysynan melanınniń, ıaǵnı teri, júni men kóziniń túsine jaýapty pıgmenttiń joqtyǵynan tuqym deńgeıindegi mýtatsııaǵa baılanysty bolady», - dep jazady Sáken Dildahmet.
Albınızm tuqymy álsiz bilinetin sıpatqa ıe. ıAǵnı mundaı tuqymǵa juptyń ekeýi de jatsa ǵana tól «appaq» túste dúnıege keledi. Al eger mýtatsııalanǵan tuqym juptyń bireýinde ǵana bolsa tól kádimgi túspen týady. Albınos – óte sırek kezdesetin tabıǵı qubylys. Sebebi dál osyndaı tuqymdy ańdardyń kezdesý yqtımaldyǵy 1/20 myńǵa teń.
