Sharyn ulttyq parkinde ekoreıd ótkizildi

NUR-SULTAN. QazAqparat - «Sharyn memlekettik ulttyq tabıǵı parkiniń aýmaǵynda «Tabıǵat taǵdyry – bizdiń qolymyzda!» atty ekoreıd ótkizildi, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Ekoaktsııa barysynda kelýshilerge týrıstik marshrýttarda sanıtarlyq normalar men qaýipsizdik tehnıkasy erejelerin saqtaý týraly túsindirme paraqshalar taratyldy, sondaı-aq aýmaqty tazalaý jumystary júrgizildi.

Oǵan park qyzmetkerleri, Almaty oblysy Uıǵyr aýdandyq polıtsııa bólimshesi qyzmetkerleri men eriktiler atsalysty. Sondaı-aq Qazaqstannyń Halyq ártisi, ánshi Roza Rymbaeva da qatysty.

«Tabıǵat-bizdiń úıimiz, baılyǵymyz. Adam óz úıin taza ustaıdy, aýlasyn tazalaıdy. Sondyqtan tabıǵatqa da osylaı qaraý kerek», - dedi R. Rymbaeva.

Reıd kezinde týrıstiń belgilenbegen jerge qoqys tastaý faktisi tirkeldi. Inspektor ákimshilik quqyq buzýshylyq týraly hattama jasady. Sonymen qatar, týrıster tobyna saıabaqta tyıym salynǵan ózenge shomylýǵa baılanysty marshrýttarda belgilengen erejelerdi saqtaý qajettiligi týraly eskertildi.