Sharyn shatqalynda Túrkistan sileýsininiń sırek vıdeosy jarııalandy

ALMATY. QazAqparat – QR Ekologııa, Geologııa jáne tabıǵı resýrstar mınıstri Maǵzum Myrzaǵalıev Sharyn shatqalyndaǵy fototuzaqqa túsken sileýsinniń vıdeosymen bólisti, dep habarlaıdy QazAqparat tilshisi.

Vıdeo mınıstrdiń Twitter paraqshasynda jarııalandy.

«Sizdermen jaqynda «Sharyn» shatqalynda Qyzyl kitapqa engen Túrkistan sileýsini túsip qalǵan fotoqaqpandaǵy vıdeomen bólisip otyrmyn. Bul kadrlardan el tabıǵatynyń bar sulýlyǵyn kórýge bolady. Osy biregeılikti birge saqtaýymyz kerek», - dedi mınstr.

Sonymen qatar, mınıstr búgin Dúnıejúzilik jabaıy tabıǵat kúni ekenin atap ótti.

«Búgin Dúnıejúzilik jabaıy tabıǵat kúni. Bul kún búkil álemge tabıǵatty osy alýantúrli kúıinde qorǵaýdyń mańyzdylyǵyn eske salýǵa arnalǵan. Bizdiń elimiz flora men faýnaǵa baı. Qazaqstanda ósimdikterdiń 6000-nan astam, al omyrtqaly janýarlardyń 835 túri bar...», - dedi mınıstr.