Sharyn shatqalynda súzisip jatqan qaraquıryqtar vıdeoǵa túsip qaldy

ShARYN. QazAqparat - «Sharyn» memlekettik ulttyq tabıǵı parki aýmaǵynda qaraquıryqtar fototuzaqqa túsip qaldy, dep habarlaıdy QazAqparat.

Qaraquıryq (latynsha Gazella subgutturosa) - Qazaqstannyń Ústirt, Mańǵystaý, Aral, Qyzylqum, Moıynqum, Betpaqdala óńirlerin, Balqash mańyn mekendeıtin janýar.

Sońǵy jyldary Qara Ertis ózeniniń jaǵalaýyndaǵy qumda kórinip júr.

Tastaqty, qumdy, sazdy topyraqty shóldi aımaqtardy mekendeýge beıimdelgen. Taý eteginde, teńiz deńgeıinen 2500-3000 metr bıiktikte de kezdesedi. Qoregi – shóptesin ósimdikter men butalar.

Qaraquıryq dámdi eti men terisi úshin kóp aýlanǵan. Qazaq dalasynda sırep ketken soń 1996 jyly Qyzyl kitapqa engizilgen.

Qazaqstanda bar-joǵy 13-15 myńdaı qaraquıryq bar. Onyń 5-7 myńy «Altynemel» ulttyq tabıǵı parkinde, qalǵany Ústirt qoryǵy men Bozaşy qoryqshasyn mekendeıdi.

2020 jyly Qazaqstanda qaraquıryqty saqtaý jobasy iske qosyldy.