Sharyn shatqalynda selge aǵyp ketken qyz jansaqtaý bóliminde jatyr
TALDYQORǴAN. QazAqparat - Sharyn shatqalynda zardap jekken balanyń jaǵdaıy aýyr, jansaqtaý bóliminde jatyr, dep habarlaıdy QazAqparat tilshisi.
«29 mamyr kúni Uıǵyr aýdandyq ortalyq aýrýhanasyna Sharyn shatqalynda zardap shekken 6 adam jetkizildi. Olardyń ekeýi — 2009 jáne 2010 jyly týǵan balalar. Qazirgi ýaqytta 2009 jyly týǵan bala Almaty aımaqtyq balalar aýrýhanasyna aýystyryldy. Reanımatsııa jáne qarqyndy terapııa bólimshesine jatqyzyldy. Jaǵdaıy aýyr, turaqty. Dıagnozy - jabyq bas súıek-mı jaraqaty, mıdyń shaıqalýy. Denesiniń birneshe bóligi jaraqattanǵan.
2010 jyly týǵan naýqas Uıǵyr aýdandyq aýrýhanasynyń hırýrgııalyq bólimshesine jatqyzyldy. Dıagnoz: Jabyq bas súıek-mı jaraqaty. Mıdyń shaıqalýy. Aıaqtary jaraqattanǵan»,- dedi Almaty oblystyq Densaýlyq saqtaý basqarmasynyń baspasóz qyzmetiniń resmı ókili Láılim Áýbákirova.
Vedomstvo ókiliniń aqparatyna sáıkes, zardap shekkenderdiń barlyǵynyń mıy shaıqalǵan.
«1976 jyly týǵan naýqas hırýrgııalyq bólimge jatqyzyldy. Dıagnoz: mıdyń shaıqalýy. Denesi jaraqattanǵan.
1991 jyly týǵan naýqasty týystarynyń talaby boıynsha odan ári tekserip, emdetý úshin Almaty qalasyna alyp ketti. Dıagnoz: JJBI. Mıdyń shaıqalýy.
1970 jáne 1971 jyly týǵan eki adam ambýlatorııalyq emdelýge jiberildi»,- dep tolyqtyrdy L. Áýbákirova.
Densaýlyq saqtaý basqarmasynyń basshysy Ómirzaq Ábilseıituly Nııazbekov arnaıy Uıǵyr aýdandyq ortalyq aýrýhanasyna baryp, zardap shekkenderdiń jaǵdaıymen tanysty jáne dárigerlerge medıtsınalyq kómek kórsetý boıynsha birqatar tapsyrmalar berdi. Sonymen qatar, Almaty aımaqtyq balalar aýrýhanasynan travmatolog men reanımatolog dárigerler baryp, zardap shekken oqýshylarǵa bilikti medıtsınalyq kómek kórsetti.
Esterińizge sala ketsek, keshe Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn. Al búgin elimizdiń Bilim jáne ǵylym mınıstrligi atalǵan oqıǵa saldarynan 1 oqýshy men 1 muǵalimniń qaza tapqanyn, taǵy bir oqýshyny izdeý jumystary júrgizilip jatqanyn málim etken edi.
Keıinnen selge aǵyp ketken oqýshy qyzdyń tabylǵanyn habarlaǵan bolatynbyz.
