Sharýashylyqtardyń 98 paıyzy dándi-daqyl tuqymymen qamtamasyz etildi - A. Kúrishbaev
ANA. 10 naýryz. QazAqparat /Marlan Jıembaı/ - Sharýashylyqtardyń 98 paıyzy dándi-daqyl tuqymymen qamtamasyz etildi.
Bul týraly búgin selektorlyq formattaǵy Úkimet otyrysynda Aýyl sharýashylyǵy mınıstri Aqylbek Kúrishbaev málim etti.
«Ákimdikterdiń málimetterine sáıkes búgingi tańda dándi-daqyldardyń tuqymymen sharýashylyqtar 98 paıyzǵa qamtamasyz etilgen»,-dedi A. Kúrishbaev.
Mınıstrdiń atap ótýine qaraǵanda, byltyrǵy jyly qýańshylyqtan zardap shekken Aqtóbe men Batys Qazaqstan oblystarynda tuqym tapshylyǵy oryn alyp otyr. Olarda jalpy 50 myń tonnaǵa jýyq tuqym jetispeýshiligi baıqalady.
«Barlyq jerlerde tuqymnyń sapasyn tekserý jumystary jalǵasýda. Qazirgi ýaqytta qolda bar tuqymnyń 86,4 paıyzy tekserilip, onyń 99 paıyzy sebý sapasyna sáıkes ekendigi anyqtaldy»,-dedi ol.
