Sharýashylyqtardy jaıylym jermen qamtamasyz etýge qatysty zań jobasy daıyndalady - Joldaý

NUR-SULTAN. QazAqparat – Úkimet sharýashylyqtardy jaıylym jermen qamtamasyz etýge qatysty zań jobasyn daıyndaýy kerek. Bul týraly Memleket basshysy Qasym-Jomart Toqaev Qazaqstan halqyna arnalǵan Joldaýyn jarııalaý kezinde málim etti, dep habarlaıdy QazAqparat.

«Jeke qosalqy sharýashylyqtardyń malyn jaıylymdyq jermen qamtamasyz etý máselesine aıryqsha nazar aýdarý qajet. Olardyń quqyqtyq mártebesi jáne kórsetetin qoldaý táselderi «Jeke qosalqy sharýashylyqtar týraly» bólek zańda kórinis tabýy kerek. Úkimet bul zań jobasyn óte qysqa merzimde ázirleýge tıis», - dedi Memleket basshysy.

Budan buryn habarlanǵandaı, Prezıdent jem-shóp daıyndaýǵa qajetti jer kólemin keńeıtý kerek ekenin aıtty.

Q. Toqaev jaıylym jerlerge qatysty ákimder yqpaldy adamdardyń yǵyna jyǵylyp otyrǵanyn synǵa aldy.