Sharýalarǵa byltyrǵy jyldyń 5 mlrd teńgeden astam ınvestıtsııalyq sýbsıdııasy tólenbegen

ASTANA. QazAqparat – Aýyl sharýashylyǵy mınıstrliginiń málimeti boıynsha fermelerge «Qoldau» platformasynyń kezinen qalǵan 5 mlrd teńgeden astam ınvesttsııalyq sýbsıdııa tólenbegen, dep habarlaıdy QazAqparat tilshisi.

Bul týraly Gosagro.kz platformasynyń tanystyrylymynda mınıstrliktiń memlekettik kórsetiletin qyzmetterdi damytý jáne agroónerkásip keshenin tsıfrlandyrý departamentiniń dırektory Bernat Alpysbekov aıtty.

«Qoldau» platformasynyń fermerlerdiń aldynda tólenbegen sýbsıdııa qaryzy boldy. Bul bıýdjetti qarjylandyrý ýaqytynyń bitip qalǵanyna baılanysty paıda bolǵan edi. Biz sol derekterdiń bárin alyp shyqtyq. Mysaly, qaıta óńdeý sýbsıdııasy boıynsha keıbir ákimdikterdiń sýbsıdııa qaryzy jetinshi aıdan bastalǵan. Ákimdikter tólep qoıýy kerek bolǵan.

«Qoldau» platformasynan tarıhı málimetterdi kesh alǵanymyzǵa qaıta oralsaq, ákimdikterge derek ýaqytynda túspegendikten, jańa platformaǵa kelip túsken ótinimderdi kesh qaraı bastaǵan. Óıtkeni jańa maýsymnyń sýbsıdııasyn tólemeı turyp, qaryzdardy jaýyp alý kerek», - dedi ol.

Osynyń saldarynan óńir-óńirde tólenbegen ınvestıtsııalyq sýbsıdııanyń kólemi 25 mlrd teńgeden asqan.

«Biz jergilikti aýyl sharýshalyǵy basqarmalarymen birge derekter bazasynyń ózekti bolmaýyna baılanysty, kodtar men kilt sózderdi suratý sozylyp ketkenine baılanysty kóp ýaqyt joǵalttyq. Búkil aýyl sharýashylyǵy basqarmalaryń sýbsıdııa qaryzy 25 mlrd teńgeden asty. Qazir sonyń 18 mlrd teńgesi tólendi. 2022 jyly fermerlerge 25 mlrd teńgeniń ınvestıtsııalyq sýbsıdııasy tólenbegen bolsa, qazir sonyń 18 mlrd teńgesi jabylǵan. Sondaı 5-7 mlrd teńgeniń tóńireginde sýbsıdııa tólenýi kerek», - Bernat Alpysbekov.