Sharýalardyń aıyppuly men ósimpuly esepten shyǵarylady
ASTANA. KAZINFORM – Aktsııa 2025 jylǵy 24 qarashada bastalyp, 2026 jylǵy 1 naýryzǵa deıin jalǵasady. Bul týraly AShM baspasóz qyzmeti habarlady.
«QazAgroQarjy» AQ syıaqy mólsherlemesiniń sýbsıdııalanatyn bóligin ýaqytyly almaýy saldarynan qaryz alýshylarǵa eseptelgen aıyppul men ósimpuldy esepten shyǵarý boıynsha aktsııa ótkizedi.
Kompanııada habarlanǵandaı, bul bastama sharýalardyń sýbsıdııalardy tóleýdegi kidiristerge baılanysty týyndaǵan merzimi ótken boryshtyq júktemesin azaıtýǵa baǵyttalǵan. Shara burynnan jınaqtalǵan merzimi ótken berekeshekke de, aktsııa kezeńinde týyndaǵan bereshekke de qoldanylady.
— Aktsııaǵa qatysý úshin qaryz alýshylar merzimi ótken syıaqy somasyn, sýbsıdııalanatyn bóligin qosa alǵanda, sondaı-aq merzimi ótken negizgi boryshty tolyǵymen óteýi tıis. Klıentter «QazAgroQarjy» AQ fılıaldaryna ótinish berýleri qajet, — delingen habarlamada.
Aıta ketelik bıyl qazaqstandyqtar aýyl sharýashylyǵy jármeńkelerinen 7,9 myń tonna ónim satyp alǵan.