Sharýalar sıyr terisinen ǵana jylyna 14 mlrd teńge tabys taba alar edi – Arman Óteǵulov
«Aýylda malmen kúneltken jurt «jún men terini eshkim almaıdy» dep aıaqqa taptap, qoqysqa tastap jatyr. Al sol jún men terini óńdeýmen aınalysatyn kásiporyndarda tıisti shıkizat jetkiliksiz, júktemesi tym az. Osydan 2-3 jyl buryn eksportqa shyǵarýǵa tyıym salynǵan bolatyn. Áli alynǵan joq. Jeńil ónerkásipte eń jıi qoldanylatyny sıyrdyń terisinen 20 jup aıaqkıim tigip shyǵarýǵa bolady. Ár aıaq kıimniń baǵasyn 15-20 myń teńge dep eseptegende, bir sıyrdyń terisinen 300-400 myń teńge qarajat tabýǵa bolady. Elimizde jyl saıyn shıki teriniń 10-20 paıyzy ǵana satylady. Al 3 mln-ǵa jýyq mal terisi óńdelmegen kúıi dalaǵa tastalady. Osynyń bárin kádege jaratqanda sharýalar shamamen 14 mlrd teńge tabys tabar edi», - dedi senator.
Onyń atap ótýinshe, óńirlerdegi qatty turmystyq qaldyq polıgondarynyń qazirgi jaǵdaıy ekologııamyzǵa aıtarlyqtaı keri áserin tıgizip otyr.
Sonyń saldary jerasty sýynyń lastanýyna, jańa stıhııalyq qoqystardyń paıda bolýyna ákelip, halyqtyń densaýlyǵyna eleýli qaýip tóndirip otyr.
Bul máseleler Senat qabyrǵasynda birneshe ret kóterilgen de edi.
«Biraq búgingi kúnge odan tıisti qorytyndy shyǵaryp, qajetti sharalar qabyldanyp jatqanyn ókinishke qaraı, áli de baıqaı almaı otyrmyz. Al jyl saıyn aýyl sharýashylyǵy maqsatyndaǵy jer telimderiniń nysanaly maqsatyna saı paıdalanylmaýy sebebinen jerdiń tozýyna, qunarynyń tómendeýine ákeletini, ony paıdalanbaý saldarynan joǵaltatyn paıdanyń da az emestigi aıtpasa da túsinikti», - dedi Arman Óteǵulov.
