Sharýalar qosalqy tehnıkalardy tıimdi sharttarmen satyp alady
ASTANA. QazAqparat - Endigi kezde fermerler negizgi tehnıkaǵa jalǵanatyn shóp shapqyshtan bastap pulyqqa deıingi qosalqy qural-jabdyqtardy tıimdi sharttarmen satyp alýǵa múmkindik ashyldy, dep habarlaıdy «QazAqparat» HAA tilshisi.
Búgin Astanada «Agrarlyq nesıe korporatsııasy» AQ, «Agroónerkásip keshenindegi kredıtttik seriktestikter qaýymdastyǵy» zańdy tulǵalar birlestigi, Lızıng kompanııalardyń qaýymdastyǵy men «Qazaqstan mashına jasaýshylarynyń odaǵy» ZTB basshylary fermerler úshin qosalqy aýyl sharýashylyǵy tehnıkalaryn tıimdi sharttarmen satyp alýǵa baǵyttalǵan tórt jaqty kelisimge qol qoıdy.
«Osy qol qoıylǵan kelisimge sáıkes, aýyl sharýashylyǵyna qajetti tirkemeli jáne qosalqy qural-jabdyqtardy satyp alýǵa zor múmkinshilik týady. Jem-shóp daıyndaıtyn, mal sharýashylyǵyna arnalǵan qosalqy tehnıkalar arzandatylǵan 5,5 paıyzben nesıe beriledi. Bul nesıeniń artyqshylyǵy - qarajat tek qana «Agrarlyq nesıeler korporatsııasy» AQ arqyly ǵana berilmeıdi. Nesıelik seriktestikter men lızıngtik kompanııalar arqyly beriledi. Ózderińiz biletindeı, korporatsııa 2001 jyldan beri nesıe berýmen aınalysady. Qazirgi tańida 180-nen astam sharýa qojalyqtary respýblıka boıynsha jumys atqarýda», - deıdi «Agrarlyq nesıe korporatsııasy» AQ basqarma tóraǵasy Narmuhan Sarybaev.
Agrarlyq nesıe korporatsııasynyń «Agrotehnıka» baǵdarlamasyaıasynda sharýalar jańa aspaly nemese tirkemeli topyraq óńdeıtin, azyq daıyndaıtyn tehnıkaǵa, aýyl sharýashylyq daqyldaryn qurǵatý men qazyp alýjabdyqtaryna, mal sharýashylyǵyna qajetti qural jabdyqtaryna ıe bola alady. ıAǵnısharýalar otandyq tehnıkany QR barlyq oblystary men aýdandarynda kredıttik seriktestikter men lızıng kompanııalary arqyly satyp alýyna jaǵdaı jasalady.
«Memlekettik basty baǵyty - osy jeke lızıngtik kompanııalardyń damýyna kómek jasaý. Ótinim berýshiler úshin qosalqy tehnıkalardy satyp alý úshin 5,5 paıyzben 5 mlrd teńge bólindi. Eger kepildikke keletin bolsaq, lızıng bolǵandyqtan kompanııalardyń óziniń erejeleri bolady. Bizdiń aıtatynymyz - bastapqy jarna 15 paıyz bolýy kerek. Osy satylyp alynǵan qural-jabdyqtardyń ózin nemese 20 paıyz bastapqy qarjy jumsaý arqyly sharýalar kepildik qoıa alady. Búgingi tańda dál osy jer jyrtatyn, egistikpen aınalysatyn, jem-shóp jınaıtyn qural-jabdyqtar sharýalarǵa óte qajet», - dep túıdi korporatsııa basshysy.
