Sharýa qojalyqtarynyń qyzmetine arnalǵan zań jobasy kelisim komıssııasynda talqylanady
ANA. 27 qańtar. QazAqparat /Qanat Mámetqazyuly/ - Búgin QR Parlamenti Cenatynyń jalpy otyrysynda palata depýtattary
«Qazaqstan Respýblıkasynyń keıbir zańnamalyq aktilerine sharýa nemese fermer qojalyqtarynyń qyzmeti máseleleri boıynsha ózgerister men tolyqtyrýlar engizý týraly» zań jobasy boıynsha kelisim komıssııasyn qurý týraly sheshim qabyldady.
Qos palata arasyndaǵy kelispeýshilikterdi eńserýge baǵyttalǵan komıssııa quramyna Senat tarapynan depýtat S. Eńsegenov, J. Nurǵalıev, T. Sımambaevtar saılandy.
Esterińizge sala keteıik, zań jobasynyń negizgi maqsaty elimizdegi fermerlik jáne sharýa qojalyqtarynyń arasyndaǵy birqatar qyzmetterdi retteý bolyp tabylady. Bul rette qujatpen Jer kodeksi men «Sharýa jáne fermerlik qojalyqtar týraly» zańǵa ózgerister men tolyqtyrýlar engizý kózdeledi. Atap aıtqanda, qujat aýyl sharýashylyǵyna baǵyttalǵan, biraq qandaı da bir ǵımarat ornalasqan jer teliminiń qunyn anyqtaý tártibin bekitedi. Ekinshiden, ol sharýa nemese fermerlik qojalyqtary bar azamattardyń jer telimderin alý tártibine qatysty máselelerdi retteıdi. Úshinshiden, zań jobasy sharýa nemese fermerlik qojalyq ıeleriniń quqyqtary men mindetterin egjeı-tegjeıli qarastyrady. Bul óz kezeginde azamattardyń áleýmettik jaǵynan qorǵap, eńbek tártibin talap etip, eńbek pen ol úshin tólenetin jalaqynyń ádiletti bolýy qamtamasyz etedi. Budan bólek, zań jobasyna sáıkes, Jer kodeksiniń 10-babyna eldi mekenderdiń sheginen tys ornalasqan jer ýchaskeleri boıynsha ózgeris engiziletin bolady. Onyń kadastrlyq (baǵalaý) quny jer ýchaskelerin aýyl sharýashylyǵy maqsaty úshin jeke menshikke bergen kezdegi tólemaqynyń bazalyq stavkalarynyń mólsherine negizdele otyryp, aıqyndalady. Odan basqa, sharýa nemese fermer qojalyqtary sýbektilerine múlikti satyp alý-satý mámilelerin jasaý múmkindigi beriledi, sharýa nemese fermer qojalyqtarynyń osy múlkin satqan nemese syıǵa tartqan jaǵdaıda uzaq merzimge ýaqytsha jer paıdalaný quqyǵyn berý zańnamalyq turǵydan bekitiledi.
Senat tarapynan Májilis maquldaǵan zań jobasyna 11 túzetý engizilgen bolatyn. Májilis bunyń 7-eýimen kelispeı otyr.
