Sharýa qojalyǵy basshysynan mıllıon teńge bopsalaǵan kúdikti ustaldy

ASTANA. KAZINFORM — Polıtseıler sharýa qojalyǵynyń basshysynan 1 mıllıon teńge bopsalaǵan kúdiktini qolǵa túsirdi. Bul týraly Polisia.kz saıty jazdy. 

Uıymdasqan qylmysqa qarsy kúres basqarmasynyń qyzmetkerleri sharýa qojalyǵynyń basshysyn bopsalady degen kúdikke ilingen Qaratal aýdanynyń turǵynyn ustady.

— Jedel ýákildermen er adam ustaldy, ol sharýa qojalyǵynyń basshysyn qorqytyp, mıllıon teńge bopsalaǵan. Qorqytyp alý faktisi boıynsha qylmystyq is qozǵaldy, tergeý jalǵasýda. Kúdikti qamaýǵa alyndy, — dep atap ótti Jetisý oblysy PD UQQKB bastyǵynyń m. a. Aslan Abylov.