Sharýa egistikten 10-15 myń jyl burynǵy mamonttyń súıegin taýyp aldy
ASTANA. QazAqparat - Mıchıgandaǵy sharýa Djeıms Brıstl joldasymen birge bıdaı egistiginde qubyrǵa arnalǵan or qazý kezinde uzyndyǵy bir metr súıekti anyqtaǵan.
Sheteldik BAQ-tyń habarlaýynsha, Brıstl Mıchıgan ýnıversıtetiniń janyndaǵy paleontologııa murajaıyna telefon soqqan. Murajaı qyzmetkerleri sharýanyń egistikte mamonttardyń sırek kezdesetin gıbrıdiniń súıegin anyqtaǵanyn aıtty.
Súıekter tabylǵan jerge ýnıversıtettiń professory men stýdentteri kelip, qazba jumystardy bastady. Qazirgi kezde kóne sútqorekti janýar súıekteriniń 20 paıyzy anyqtalǵan, sonyń ishinde bas súıegi men azý tisteri de bar. Bul mamonttyń 11-15 myń jyl buryn 40 jasynda kóz jumǵany shamalanyp otyr.
Mamandar munda ómir súrgen adamdar keıinnen qaıtyp oralý úshin etti bólip, jasyrǵan dep eseptep otyr.
AQSh zańy boıynsha jer ıesiniń odan tabylǵan zattarǵa quqyly ekeni atap ótiledi, sondyqtan mamont súıekteri Brıstldiń ferma janyndaǵy dúkende jatyr.
