Shartty túrde sottalǵan qazaqstandyq Reseıde jasyrynyp júrgen
ASTANA. QazAqparat - QR ІІM qylmystyq-atqarý júıesi qyzmetkerleriniń aralasýymen shartty túrde sottalǵan qazaqstandyq azamat Reseıde ustaldy. Oǵan 2017 jyldyń qyrkúıek aıynda izdeý jarııalanǵan bolatyn, dep habarlaıdy QazAqparat tilshisi.
QR ІІM Qylmystyq-atqarý júıesi komıtetiniń málimetinshe, 2017 jyly 35 jastaǵy azamat Oral qalasynda mas kúıinde jol-kólik apatyn jasaǵany úshin 160 saǵat qoǵamdyq jumysqa tartylǵan. Sonymen qatar 3 jylǵa deıin kólik basqarý quqyǵynan aıyrylǵan ol probatsııalyq baqylaýǵa da alynǵan.
Alaıda jazasyn óteýden jaltarǵan azamat belgisiz baǵytta boı tasalaǵan.
«2017 jyldyń qyrkúıeginde sot qaýlysymen oǵan izdeý jarııalandy. Baǵyttama birqatar kórshiles elge de jiberildi. QR ІІM qylmystyq-atqarý júıesi qyzmetkerleriniń aralasýymen taıaýda RF Orynbor Іshki ister basqarmasynyń qyzmetkerleri «qashqyndy» qolǵa túsirdi. Halyqaralyq aktige sáıkes sottalýshyny Qazaqstanǵa ekstradıtsııalaý máselesi sheshiledi», - delingen komıtet aqparatynda.
