Shartty túrde bosatý: endi ótinishter onlaın berilmek
ASTANA. KAZINFORM – Joǵarǵy sotta sottalǵandardyń jazasyn shartty túrde merziminen buryn bosatý jáne jazany aýystyrý týraly ótinishhattaryn berý jáne qaraýǵa baılanysty rásimderdi tsıfrlandyrý máseleleri boıynsha jumys keńesi ótti.
Іs-sharaǵa Joǵarǵy sottyń, Bas prokýratýranyń, Іshki ister mınıstrliginiń, Sot ákimshiliginiń, Qylmystyq-atqarý júıesi komıtetiniń, Quqyqtyq statıstıka jáne arnaıy esepke alý jónindegi komıtettiń basshylyǵy, sondaı-aq tsıfrlyq sheshimder salasyndaǵy sarapshylar qatysty.
Otyrysty ashqan Joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllına sot júıesin tsıfrlyq transformatsııalaý — Memleket basshysynyń bastamasymen qolǵa alynǵan memlekettik saıasattyń strategııalyq baǵyty ekenin atap ótti.
Sottalǵandardyń quqyqtarymen bostandyqtaryna qatysty protsesterdi avtomattandyrý, sondaı-aq mundaı rásimderdiń ashyqtyǵyn, tıimdiligin jáne boljamdylyǵyn arttyrý qajettiligine erekshe nazar aýdarylady.
Keńeste tsıfrlyq platformanyń algorıtmi usynyldy, ol mynalardy qamtamasyz etedi:
sottalǵan adamnyń tsıfrlyq qujatyn júrgizý;
ShMB jáne JA týraly ótinishhattaryn elektrondy túrde berý;
QAJ, prokýratýra jáne sot arasynda materıaldardy tsıfrlyq baǵyttaý;
sottalǵannyń jáne protseske basqa da qatysýshylardyń beınebaılanys arqyly qashyqtan qatysýy;
sot sheshimin múddeli taraptarǵa avtomatty túrde taratý;
sot sheshimderiniń tsıfrlyq taldaýy.
Keńeske qatysýshylar jobany pılottyq iske qosý ıdeıasyn qoldady, sonymen qatar jobany normatıvtik qoldaý, sottar men basqada memlekettik organdardyń aqparattyq júıelerin biriktirý, aqparattyq qaýipsizdiktiqamtamasyz etý jáne jeke derekterdi qorǵaý qajettiligine nazar aýdardy.
Sot ákimshiligi basshysynyń orynbasary Jantemir Shákıev sózinde shartty túrde merziminen buryn bosatýǵa jáne jazany aýystyrýǵa qatysty protsesterdi tsıfrlandyrý tek tehnologııalyq qadam ǵana emes, sonymen qatar ádildik pen zań ústemdigi qaǵıdattaryn nyǵaıta túsetin mańyzdy áleýmettik-quqyqtyq baǵdar ekenine toqtaldy.
Jobany beıindi memlekettik organdarmen birlesip, sondaı-aq táýelsiz sarapshylar men quqyq qorǵaý uıymdarynyń qatysýymen júzege asyrý josparlanyp otyr.
Aıta ketelik Joǵarǵy sottyń málimetinshe jyl basynan beri qylmystyq ister sany artqan.