Shartta jeke tulǵalardyń qolma-qol aqsha qarajatyn keden aýmaǵynan ótkizýdiń biryńǵaı tártibin belgileý maqsaty kózdelgen
ASTANA. Qazannyń 30-y. QazAqparat - Keden shekarasy arqyly ótkiziletin aqshalardy retteýge baǵyttalǵan qujat zańmen bekitiledi. Osy oraıda Úkimet «Jeke tulǵalardyń keden odaǵynyń keden shekarasy arqyly qolma-qol aqsha qarajatyn jáne (nemese) aqsha quraldaryn ótkizý tártibi týraly shartty ratıfıkatsııalaý týraly» zań jobasyn Májilistiń qaraýyna berdi.
Jeke tulǵalardyń qolma-qol aqsha qarajatyn jáne (nemese) aqsha quraldaryn Keden odaǵynyń keden aýmaǵyna ne keden aýmaǵynan ótkizýdiń biryńǵaı tártibin belgileý maqsatynda 2010 jylǵy shildeniń 5-inde Astana qalasynda EýrAzEQ Memleketaralyq keńesiniń otyrysynda memleket basshylary deńgeıinde Jeke tulǵalardyń Keden odaǵynyń keden shekarasy arqyly qolma-qol aqsha qarajatyn jáne (nemese) aqsha quraldaryn ótkizý tártibi týraly shartqa qol qoıyldy.
Sharttyń 3 jáne 4-baptaryna sáıkes, balamasy 10 myń AQSh dollarynan asatyn jalpy somadaǵy qolma-qol aqsha qarajatyn jáne (nemese) jol chekterin jeke tulǵalardyń Keden odaǵynyń keden aýmaǵyna ákelýi nemese jeke tulǵalardyń Keden odaǵynyń keden aýmaǵynan áketýi ákelinetin, ne áketiletin qolma-qol aqsha qarajatynyń jáne (nemese) jol chekteriniń barlyq somasyna jolaýshylardyń kedendik deklaratsııasyn berý arqyly jazbasha nysanda kedendik deklaratsııalanýǵa jatady.
Shartta belgilengen kedendik deklaratsııalaý tártibi jeke tulǵalardyń Keden odaǵynyń keden shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi sharalardyń tıimdi qoldanylýyn qamtamasyz etedi.
«Qazaqstan Respýblıkasynyń halyqaralyq sharttary týraly» 2005 jylǵy mamyrdyń 30-yndaǵy Qazaqstan Respýblıkasynyń Zańyna sáıkes atalǵan zań jobasy ratıfıkatsııalanýǵa jatady.
Atalǵan zań jobasy boıynsha Májilistiń Halyqaralyq ister, qorǵanys jáne qaýipsizdik komıteti jumys tobyn quryp, qorytyndy ázirleıtin bolady.
