Sharshy alańǵa Golovkınmen jekpe-jekke shyǵý úshin ǵana oralamyn - Dmıtrıı Pırog
ASTANA. QazAqparat - Ortasha salmaq dárejesi boıynsha burynǵy álem chempıony, reseılik boksshy Dmıtrıı Pırog sharshy alańǵa WBA (Super), IBO jáne WBC (Interim) nusqalary boıynsha ortasha salmaqtaǵy álem chempıony qazaqstandyq Gennadıı Golovkınmen jekpe-jekke shyǵý úshin ǵana oralatynyn málim etti, dep habarlaıdy vesti.kz.
«Ol jeńisterge jetý men nokaýtqa jiberýdiń naǵyz sheberi. Barlyǵy odan kóp kúsh-jiger jumsalatyn ári tartysty boksty kútedi, al meniń oıymsha, onyń áleýeti áldeqaıda joǵary. AQSh-ta NVO arnasynda jekpe-jegimiz ótýi tıis bolǵan. Amerıkandyqtar ony qalap turdy, biz de qarsylasýǵa daıyn boldyq. Biraq meniń jaraqatym kedergi boldy. Bizdiń aramyzdaǵy jekpe-jekti kópshilik áli de kútýde. Arqamdaǵy aýyrsyný basylsa, boksqa tek Golovkınmen jekpe-jekke shyǵý úshin oralamyn», - dep keltiredi D.Pırogtyń sózderin «Komsomolskaıa pravda» basylymy.
Pırog jaraqaty saldarynan 2012 jyldan bastap jekpe-jekke shyqpaǵanyn atap ótý kerek. Golovkın bolsa sońǵy jekpe-jegin 22 aqpan kúni Monakoda ótkizip, onda 11-shi raýndta brıtandyq boksshy Martın Mıýrreıdi tehnıkalyq nokaýtqa jiberip jeńiske jetken.
