Sharshaý men depressııany shatastyryp almaý úshin neni bilý kerek

— Halyqtyń kóbinde jıi kezdesetin máseleler: nesıeniń kóptigi, turaqsyz tabys, «aqsha jetpeı qalady» degen qorqynysh, kóship-qoný, jalǵyzdyq, jan dúnıedegi qaqtyǵystar, shamadan tys jumys isteýden sharshaý, bolashaqqa degen senimsizdik, ózin basqalarmen salystyrý jáne taǵy basqa. Negizi strestiń ózi — másele emes, másele sol streske degen qarym-qatynasyńyz. Mysaly, dalada boran bolsa siz ony toqtata almaısyz, biraq dalaǵa qalyń kıinip shyǵa alasyz. Sol sııaqty strestik jaǵdaı bolǵan kezde sol jaǵdaıǵa beıimdele ómir súre alý mańyzdy, — deıdi Zarına Qaharman.

Máselen, janyńyzǵa jaqyn adamnan nemese jumysyńyzdan aıyrylyp qaldyńyz. Bul — stress. Mundaı jaǵdaıda ózińizge qaıǵyrýǵa, joqtaýǵa múmkindik, ýaqyt berýińiz kerek.

— Ol jaǵdaıdy ózgerte almaısyz, biraq jaǵdaıdy qabyldap, júregińizge uıalaǵan sezimderdi sezinýge múmkindik beresiz. Al depressııaǵa keletin bolsaq, sharshaý men depressııa eki túrli nárse. Depressııa — bul jaı ǵana kóńil-kúıdiń tómendeýi nemese «álsizdik» emes. Ol — adamnyń seziný, áreket etý jáne qalypty ómir súrý qabileti tómendeıtin kúı. Ondaıda adamnyń sharshaýy bir emes, birneshe aptaǵa, aılarǵa sozylyp ketedi. Qansha uıyqtasa da, tynyǵyp alsa da sharshap turady. Buryn qýanysh ákelgen nárselerge qyzyǵýshylyq joǵalady. Ózin qýys keýde sezinip, ómir mánsiz bolyp kórinedi. Zeıin tómendep, kináli sezimde júredi. Tipti ómir súrgisi kelmeıtin kúıge túsýi múmkin, — deıdi psıholog.

Onyń aıtýynsha, osyndaı kúıde 2 aptadan astam júrgen adam mindetti túrde maman kómegine júginýi tıis. 

— Ókinishke qaraı kóp adam sońyna deıin shydaıdy. «Ózim jeńemin», «psıhologqa barý — uıat» degen túsinikpen júredi. Jan aýrýy tis aýyrǵanmen birdeı, elemeı júre berý — sýıtsıdke ákelýi múmkin. Mamanǵa júginý — álsizdik emes. Bul — tyǵyryqtan tezirek ári qaýipsiz túrde shyǵýdyń eń tıimdi joly, — deıdi Zarına Qaharman.

Eske salsaq, ǵalymdar depressııa men dıabettiń baılanysyn anyqtaǵan bolatyn.