Sharm-esh-Sheıh áýejaıynda kóz jumǵan áıel quqyq qorǵaý salasynda jumys istegen
AQTÓBE. KAZINFORM - Sharm-esh-Sheıh áýejaıynda kóz jumǵan Aqmaral Muqanova bir kezderi Aqtóbe oblystyq polıtsııa departamentiniń kadr basqarmasynda jumys istegen. Keıin zeınetke shyqqan.
Aqtóbe oblystyq polıtsııa departamentiniń baspasóz qyzmeti Aqmaral Ótegenqyzynyń kadr daıyndaý isinde kóp eńbek etkenin aıtyp berdi.
- Aqmaral Muqanova oblystyq polıtsııa departameniniń kadr basqarmasynda abyroıly eńbek etti. Ol quqyq qorǵaý salasynda antyna adal, isine myǵym, tapsyrmany buljytpaı oryndaıtyn qyzmetkerler tárbıeledi. Qaı kezde de qamqor bola bildi. Óz tájirıbesin bólisip, jas kadrdy baǵyttap otyrdy. Áriptesteri onyń ashyq-jarqyn, meıirimdi jan dep biledi. Ol únemi kúlip júretin qarapaıym adam edi, - dedi Aqtóbe oblystyq polıtsııa departamentiniń baspasóz qyzmetiniń jetekshisi Erbolat Sarqulov.
Eske salsaq, Sharm-esh-Sheıh áýejaıynda Astanaǵa deıin baratyn DV5270 reısine otyrar kezde úsh qazaqstandyq áıelge jarnama taqtasy qulady. Oqıǵanyń saldarynan qazaqstandyq áıel mert boldy, taǵy eki otandasymyz jaraqat aldy.
Qaza tapqan áıeldiń uly da jatyn orynmen qamtamasyz etildi. Qazaqstan Elshiligimen barlyq qajetti konsýldyq, quqyqtyq jáne gýmanıtarlyq kómekter kórsetý boıynsha jumys júrgizilip jatyr.