«Sharm-el-Sheıh–Almaty» reısimen kelgen bir jolaýshydan koronavırýs anyqtaldy
NUR-SULTAN. QazAqparat - 2021 jylǵy 10 aqpanynda Qazaqstan Respýblıkasynyń aýmaǵyna Germanııa, Koreıa, BAÁ, Mysyr, Túrkııa, RF, Belarýs Respýblıkasy jáne Ózbekstannan 12 halyqaralyq áýe reısi keldi, dep habarlaıdy Sanıtarııalyq - epıdemıologııalyq baqylaý komıteti baspasóz qyzmeti.
1304 áýe jolaýshylarynyń ishinde PTR-testileýdiń teris nátıjesi bar anyqtamamen 1 032 adam, anyqtamasyz 272 QR azamattary keldi.
Onyń ishinde:
Almaty qalasynyń áýejaıyna – 5 reıs, 639 jolaýshy, anyqtamamen - 603, anyqtamasyz - 36;
Nur-Sultan qalasynyń áýejaıyna – 5 reıs, 560 jolaýshy, anyqtamamen - 324; anyqtamasyz - 236;
Atyraý qalasynyń áýejaıyna – 1 reıs, barlyq 80 jolaýshy anyqtamamen kelgen;
Qaraǵandy qalasynyń áýejaıyna – 1 reıs, barlyq 25 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.
2021 jyldyń 9 aqpanynda shetelden anyqtamasyz kelgen 224 QR azamatynyń PTR-taldaý nátıjeleri boıynsha Sharm-el-Sheıh – Almaty reısimen kelgen bir jolaýshydan koronavırýstyq ınfektsııa anyqtaldy.
