Sharlapaev qurylys pen metallýrgııa salasynda paıda bolǵan jańa mamandyqtardy atady

ASTANA. KAZINFORM — Ónerkásip jáne qurylys mınıstri Qanat Sharlapaev Úkimet otyrysynda qurylys pen metallýrgııa salasynda paıda bolǵan jańa mamandyqtardy atady.

— Búgingi kúni Mınıstrlik quzyretindegi salalarǵa 39 myńnan astam maman qajet. Jańa mamandyqtar atlasynda mınıstrlik jetekshilik etetin salalar boıynsha taý-ken metallýrgııa salasynda smart júıelerdi ázirleýshi, robottandyrylǵan taý-ken tehnıkasynyń operatory, mashına jasaý salasynda — vırtýaldy prototıpteý mamany, qurylysta — Big Data sarapshysy, «Aqyldy úı» jobalaýshysy sııaqty 75 jańa mamandyq bar. Sonymen qatar, bıznes protsesterdi avtomattandyrýǵa baılanysty 40-tan astam mamandyqtyń fýnktsıonaly ózgerdi, — dedi mınıstr.

Qanat Sharlapaev ındýstrııalandyrý kartasy aıasynda 3D basyp shyǵarý jáne dánekerleý ınjeneri, robottandyrylǵan boıaý júıeleriniń operatory sııaqty 8 jańa mamandyq paıda bolǵanyn aıtty.

— Osylaısha, qolmen jumys jasaý túri birtindep avtomattandyrylǵan eńbek túrine almasýda. Bul qoǵamda aýyr jumys degen túsinikti túbegeıli ózgertedi, — dedi mınıstr.

Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵan edi.