Sharıpova jekpe-jek aldynda jýrnalısterge suhbat bermek
ASTANA. QazAqparat - 26 jeltoqsan kúni «Almaty-Arena» baspasóz ortalyǵynda Fırýza Sharıpovanyń qatysýymen jekpe-jek aldyndaǵy baspasóz máslıhaty ótedi, dep habarlaıdy QazAqparat.
Baspasóz máslıhatyna Sharıpovamen birge menedjeri Sergeı Zavıleıskıı, FSK Promotion kompanııasynyń Fırýza Sharıpovanyń nasıhattaý jónindegi tehnıkalyq dırektory Pavel Badyrov jáne jartylaı aýyr salmaqta NABF Junior jáne WBC Youth chempıonny Alı Ahmedov qatysady.
Baspasóz máslıhaty barysynda boksshylar BAQ ókilderimen birge kelgen jankúıerleriniń saýalyna jaýap beredi.
Esterińizge sala keteıik, 30 jeltoqsan kúni álem chempıony qazaqstandyq Fırýza Sharıpova men belgııalyq «Pıtbýl» Djemılla Gontarıýk arasyndaǵy boks keshi ótedi. Boksshylar ekinshi jartylaı jeńil salmaqta IBO jáne WBC Silver chempıondyq ataqtaryna talasatyn bolady. Al Alı Ahmedov ázerbaıjandyq boksshy Ismat Eınýllaevpen judyryqtasady.
