Sháripova-Valstrom jekpe jegi qashan ótetini belgili boldy
ALMATY. QazAqparat - Fırýza Sháripova bokstan WBC nusqasy boıynsha álem chempıony Eva Valstrommen Monakoda 24 qazanda qolǵap túıistiretin bolady, dep habarlaıdy QazAqparat tilshisi.
Qos boksshynyń salmaq ólsheýi AQSh-ta ótti.
Bokstan WBC nusqasy boıynsha álem chempıony fınlıandııalyq Eva Valstrom qazaqstandyq Fırýzanyń usynysyn qabyldaǵanyn osynyń aldynda jazǵan bolatynbyz.
Jekpe-jek Monakoda Sportel halyqaralyq sport arnalary konventsııasy barysynda ótedi.
«Biz Eva Valstromnyń promoýteri Petra Paımanderden jaýap aldyq. Qazir fınlıandııalyq qyz otadan soń ońaltý sharalarynan ótip jatyr. Sondyqtan, ol maýsymda kezdese almaıdy. Paımanderdiń aıtýynsha, 24 qazanda jekpe-jek bolýy yqtımal. Dúısenbide biz kelisimshartty talqylaýǵa kirisemiz», - dedi Fırýzanyń menedjeri Sergeı Zavıleıskıı.
Aıta ketý kerek, Fırýzanyń komandasy Eva Valstromdy 9 maýsymda Sankt-Peterbýrgte rıngte kezdesýge shaqyrǵan bolatyn. Alaıda, sportshynyń komandasy jaýap bermedi. Oǵan deıin Eva Valstrom Helsınkıde ótken kezdesýde AQSh boksshysy Melıssa Sent-Vılızdi jeńgen edi. Urys kezinde Evanyń qabaǵy jarylyp, birneshe jaraqat aldy. Sportshy jaraqatynan aıyqqan soń Sháripovamen kezdesýge nıetti ekenin málim etti. Aıta keterligi, Fırýza Sháripova WIBA, WBU, WBC Silver boıynsha chempıon beldiginiń ıesi.
