Sháripova - Valstrem jekpe-jegi qashan jáne qaıda ótedi
Qos salmaq dárejesindegi kásipqoı bokstan álem chempıony, qazaqstandyq Fırýza Sháripova men Fınlıandııa sportshysy, WBC nusqasy boıynsha álem chempıony Eva Valstrem arasyndaǵy aıqas 22 jeltoqsan kúni Sankt-Peterbýrgtegi «SIBÝR ARENA» kontserttik-sporttyq kesheninde ótedi. Bul jóninde qazaqstandyq sportshynyń baspasóz qyzmeti málim etti.
Báske fın sportshysyna tıesili WBC jáne qazaqstandyq boksshynyń IBO Championship syndy ekinshi jartylaı orta salmaq dárejesindegi eki chempıondyq belbeýleri tigiledi. Eva Valstrem Sháripovamen kezdespes buryn medıtsınalyq tekseristen ótip, jekpe-jekke daıyndyqty bastap ketti. Qazaqstandyq boksshy arý kezdesýge daıyndyǵyn qazannyń ortasynda bastaıdy.
8 qyrkúıek kúni Sháripova Sankt-Peterbýrgtegi A2 arenasynda ótken keshtiń basty on raýndtyq jekpe-jeginde reseılik ıÝlııa Kýtsenkony jeńip, tıtýldarynyń birin saqtap qaldy. Boks keshine qazirgi qarsylasy Valsterm de qatysty.
Buǵan deıin fın sportshysy 6 sáýir kúni amerıkalyq Melıssa Sent-Vılızben Helsınkıde (Fınlıandııa) kezdesip, tıtýlyn qorǵap qalǵan edi.