Sháripova-Kýtsenko aıqasynda báske qandaı tıtýl qoıylady
ASTANA. QazAqparat - Qazaqstandyq Fırýza Sháripova men reseılik ıÝlııa Kýtsenko Sankt-Peterbýrgtegi boks keshinde qandaı salmaq dárejesinde aıqasady jáne báske qandaı belbeýler qoıylady? Bul suraqtarǵa jaýapty Sháripovanyń baspasóz qyzmetine silteme jasap «Qazaqstannyń kásipqoı boksy» VKontakte áleýmettik jelisinde jazdy.
Atap ótilgendeı, 8 qyrkúıekte Sankt-Peterbýrgte qazaqstandyq Fırýza Sharıpova men reseılik ıÝlııa Kýtsenkonyń jekpe-jegi jeńil salmaq dárejesinde - 61,2 kelide ótedi.
«Osyǵan baılanysty báske Fırýzaǵa tıesili álem chempıonynyń bir ǵana tıtýly - WIBA qoıylady», - dedi sportshynyń baspasóz qyzmetinen.
Kásibı boksta óner kórsetetin Sháripova ótken jyldyń sońyna deıin WIBA tujyrymy boıynsha 61,2 keli salmaq dárejesinde álem chempıony bolyp kelgen edi. 2017 jyldyń 30 jeltoqsanynda Almatyda belgııalyq Djemılla Gontarıýkpen WBC Silver jáne IBO Championship belbeýi úshin 59 keli salmaq sanatynda aıqas ótkizdi. Osylaısha, ol eki salmaq dárejesinde tıtýldar ıelendi. Jekpe-jek 61,2 keli salmaq dárejesinde ótetindikten, 8 aldaǵy kezdesýde onyń osy sanattaǵy chempıondyq belbeýi báske qoıylady.
Sportshylardyń gonorary aldyn ala kelisilgen jáne ol jeńiske ne jeńiliske qaramastan ózgerissiz qalady. Sportshynyń menedjeri onyń somasyn málim etken joq. Sebebi bul kelisimshartqa sáıkes qupııa aqparat.
Sondaı-aq málim bolǵandaı, Sankt-Peterbýrgtiń A2 arenasynda ótetin boks keshine Fırýzany qoldaýǵa kóptegen qazaqstandyq jankúıerler kelmek.
«Jekpe-jekke Qazaqstannan kóptegen jankúıerler ushyp keledi. Bizdiń komanda olarǵa qonaqúılerdi brondaýǵa kómektesti. Sondaı-aq, Sankt-Peterbýrgte turatyn kóptegen qazaqstandyqtar otandastaryn qoldaýǵa keledi», - dep málim etti sportshynyń shtabynan.
Buǵan deıin Sháripova-Kýtsenko keshiniń anderkartynda kezdesetin juptardyń tolyq tizimin jarııalaǵan bolatynbyz. Olardyń arasynda biraqatar qazaqstandyq kásipqoı boksshylar bar.
