Sháripova beldikter sany boıynsha Golovkındi basyp ozbaq
ASTANA. QazAqparat - Áıelder arasynda Qazaqstannan shyqqan tuńǵysh álem chempıony, eki dıvızıonnyń beldikteriniń ıesi Fırýza Sháripova taǵy bir salmaq sanatynyń tıtýldaryn jeńip alýǵa nıetti, dep habarlaıdy «SPORTINFORM» SAA.
Maýsym aıynda Sankt-Peterbýrgte Sháripovamen kezdesý ótkizýge argentınalyq Anna Laýra Esteche úmitker bolyp otyr. Ol - birinshi jartylaı orta salmaqta WBA, WBO jáne IBF tujyrymdary boıynsha álem chempıony. Eger Sháripova jeńiske jetse úsh salmaqta álem chempıony bolyp, Qazaqstannyń rekordyn ornatady. Qazir onyń enshisinde ekinshi jartylaı jeńil salmaqtyń IBO beldigi, jeńil salmaqtyń WIBA jáne WBU beldikteri bar.
Qazaqstandyq boksshynyń Monakoda 24 qazanda ekinshi jartylaı jeńil salmaqta álem reıtınginiń birinshi nómiri, fınlıandııalyq Eva Valstrommen jekpe-jek ótkizetini belgili boldy.
Aıta keteıik, dańqty boksshy Gennadıı Golovkın qazir orta salmaqtyń tórt birdeı beldigine ıe bolyp otyr: WBC, WBA (Super), IBF jáne IBO. Eger Sháripova jeńiske jetse, ol Golovkındi de artqa qaldyrady.
