21:23, 09 Jeltoqsan 2019 | GMT +6
Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy
NUR-SULTAN. QazAqparat - Mońǵolııada turatyn qandasymyz Shárip Sáıpiǵalıuly «Mońǵol eline eńbek sińirgen qaıratker» ataǵymen marapattaldy, dep habarlaıdy QazAqparat tilshisi kaznews.mn agenttigine silteme jasap.
Agenttik málimetinshe, Ǵun ımperııasyna 2228 jyl, Uly Mońǵol memleketine 813 jyl, Ult azattyq qozǵalysyna 108 jyl, Mońǵol Halyq revolıýtsııasynyń tóńkerisine 98 jyl, Demokratııalyq qozǵalysqa 30 jyl tolýyna oraı Mońǵolııa Prezıdenti H.Battýlga jarlyq shyǵaryp ónerkásip, densaýlyq, bilim, mádenıet, ekonomıka, qoǵam, kommýnaldyq qyzmet kórsetý salasynda abyroıly qyzmet atqarǵan 21 azamatqa «Mońǵol eline eńbek sińirgen qaıratker» ataǵyn berdi.
Mońǵolııa qazaqtary arasynan «Mońǵol eline eńbek sińirgen qaıratker» ataǵymen Baıan-Ólgeı aımaǵyndaǵy SÝAT kompanııasynyń dırektory Shárip Sáıpiǵalıuly marapattaldy.
