Sharyn jartastarynda tirshilik etetin táýeshkiler fototuzaqqa tústi
ASTANA. KAZINFORM — Sharyn memlekettik ulttyq tabıǵı parkinde tólderimen birge júrgen táýeshkiler fototuzaqqa túsip qaldy. Jabaıy janýarlardyń tabıǵı mekenindegi sátin ulttyq park qyzmetkerleri jarııalady.
Kadrlardan taýly aımaqtyń tik jartastary arasynda júrgen táýeshkilerdi kórýge bolady. Ásirese, fototuzaqqa qyzyǵýshylyqpen qaraǵan kishkentaı tólder kadrǵa erekshe kórik bergen.
— Táýeshkiler taýly jerdiń kúrdeli bederine beıimdelgen. Olar jartasty aımaqtarda erkin qozǵalyp, tabıǵı ortada tirshilik etedi.
Fototuzaqtar jabaıy janýarlardyń kúndelikti tirshiligin, minez-qulqyn jáne tólderiniń ósip-jetilýin baqylaýǵa múmkindik beredi. Mundaı baqylaýlar tabıǵı ortadaǵy janýarlar ómirin zertteýge de kómektesedi, — delingen habarlamada.
Sharyn ulttyq parkiniń mamandary jabaıy tabıǵattyń osyndaı áserli sátterin tirkeýdi jalǵastyryp keledi.
Eske salaıyq, buǵan deıin Sibir eligi men orman sýsary fototuzaqqa túsip qalǵan edi.
