Sharyn ulttyq saıabaǵynda sırek kezdesetin qustar vıdeoǵa túsip qaldy
ASTANA. KAZINFORM — Sharyn ulttyq parkiniń aýmaǵynda ornatylǵan fototuzaqtar tabıǵattaǵy qustardyń tirshiligin tirkeýde. Kamera obektıvine birneshe qus túrleri ilikti.
Úlken aqqutan – sırek kezdesetin, jyl qusy. Qazaqstanǵa naýryz aıynda ushyp keledi de, qazan aıynda jyly jaqqa ushyp ketedi. Uzyn moıyndy, appaq qaýyrsyndy iri qus. Kóbine ózen-kól jaǵasynda kezdesip, balyq jáne usaq sý jándikterimen qorektenedi.
Saryala qaz – sý qusy (úırekter tuqymdasyna jatady). Onyń túsi erekshe: qyzǵylt-sary-qońyr qaýyrsyndy, basy ashyq tústi. Aq qanattarynyń ushynda qara ushqyr qaýyrsyndary bolady. Dala men sý aıdyndarynyń mańynda tirshilik etip, toptanyp ushýmen erekshelenedi.
Baryldaýyq úırek – Qazaqstanda keń taralǵan jabaıy úırek. Daýysynyń erekshe «baryldaý» dybysymen tanymal.
Bizquıryq úırek – uzyn ári úshkir quıryǵymen erekshelenetin symbatty úırek túri. Kóbine ashyq sý aıdyndarynda kezdesedi.
Aıta ketelik Sharyn shatqalynda Qyzyl kitaptaǵy sabanshy vıdeoǵa túsip qalǵan edi.
