Sharyn ulttyq parkiniń aýmaǵynda fototuzaqqa qyran túsip qaldy

Sharyn memlekettik ulttyq tabıǵı parki ınspektorlary ornatqan jasandy sýattan Qazaqstannyń Qyzyl kitabyna engen dala qyrany sý iship, artynsha shomylyp, sergip alǵany fototuzaqqa túsip qaldy.

Bul kórinis – janýarlar úshin jasalǵan jaǵdaılardyń mańyzdylyǵyn jáne tabıǵatty qorǵaý jumystarynyń naqty nátıjesin aıqyn kórsetedi. Qýań dala jaǵdaıynda mundaı sýattar – tirshilik ıeleri úshin naǵyz ómir kózi.

Dala qyrany (Aquila nipalensis) – Qazaqstan dalasynyń sımvoly sanalatyn iri jyrtqysh qus.

Qazirgi tańda onyń sany azaıyp, joıylyp ketý qaýpi týyndaǵan. Osyǵan baılanysty ol Qazaqstannyń Qyzyl kitabyna engizilgen jáne Halyqaralyq tabıǵat qorǵaý odaǵy Qyzyl tiziminde EN (Endangered – joıylyp ketý qaýpi bar) sanatyna jatady.

Aıta ketelik Sharyn ulttyq parkiniń aýmaǵynda fototuzaqqa shıbóri túsip qalǵan edi.