Sharyn ulttyq parkinde sırek kezdesetin ózen kámshaty fototuzaqqa tústi
ASTANA. KAZINFORM - Sharyn memlekettik ulttyq tabıǵı parkinde ornatylǵan fototuzaqqa Qazaqstannyń Qyzyl kitabyna engen Orta Azııa ózen kámshaty (Lutra lutra seistanica) tústi, dep habarlaıdy QR Ekologııa jáne tabıǵı resýrstar mınıstrliginiń baspasóz qyzmeti.
Ózen kámshaty — tirshiligi sýmen tyǵyz baılanysty sırek sútqorekti. Ol negizinen ózender men sý aıdyndarynyń jaǵalaýlaryn mekendeıdi. Sondyqtan mundaı aýmaqtardyń tabıǵı qalpyn saqtaý janýardyń tirshiligi úshin asa mańyzdy.
-Fototuzaqqa túsken kadrlar mamandarǵa kámshattyń tabıǵı ortadaǵy tirshiligin baqylaýǵa, taralý aımaǵyn zertteýge jáne ony qorǵaý jumystaryn josparlaýǵa múmkindik beredi,-delingen habarlamada.
Osyǵan deıin Sharyn jartastarynda tirshilik etetin táýeshkiler fototuzaqqa túsken bolatyn.
