Jańa týrıstik jol Sharyn shatqalyn «Tańbaly» qoryq-mýzeıimen baılanystyrady

ALMATY. KAZINFORM — «Alatau Amanaty» aýqymdy jobasy uzyndyǵy 1200 shaqyrymnan asatyn týrıstik ekojoldy abattandyrýǵa baǵyttalǵan. Ekologııalyq marshrýt Іle Alataýynyń kórkem jotalarymen ótip, Sharyn shatqalyn «Tańbaly» qoryq-mýzeıimen baılanystyrady. Bul týraly «Kazakh Tourism» Ulttyq Kompanııasy» AQ málimdedi.

Onyń boıynda etnoaýyldar, glempıngter, kempıngter men gastronomııalyq týrızm nysandaryn salý josparlanǵan. 

Búginde marshrýttyń negizgi aıaldamalary týrıster úshin tartymdy núktelerge aınalyp otyr. 

Olardyń qatarynda: «Esik» memlekettik tarıhı-mádenı qoryq-mýzeıi, Kók-Jaılaý shatqaly, Býtakovka saıy, Alma-Arasan ystyq bulaqtary, Úlken Almaty kóli, VIII–XIII ǵasyrlardaǵy Talhız qalashyǵy jáne Oi-Qaragai taý kýrorty bar, baǵyttaǵy negizgi aıaldamalar týrısterdiń qyzyǵýshylyǵyn týdyryp otyr. Atap aıtqanda: «Esik» memlekettik tarıhı-mádenı qoryq-mýzeıi, Kókjaılaý shatqaly, Býtakov shatqaly, Alma-Arasan ystyq bulaǵy, Úlken Almaty kól jáne taǵy basqalary.

Bastamany «Kaz Alpine Club» qoǵamdyq uıymynyń belsendileri tanytty. Joba «AMANAT» partııasynyń, QR Mádenıet jáne sport mınıstrliginiń, «Kazakh Tourism» ulttyq kompanııasynyń, Almaty qalasy men Almaty oblysy ákimdikteriniń qoldaýymen júzege asyrylyp otyr.

Buǵan deıin habarlanǵandaı, elimizdiń negizgi tabıǵı landshafttaryn qamtıtyn ulttyq týrıstik soqpaqtar júıesi – «Alataý amanaty» jobasy iske qosylǵan bolatyn.

Aıta keteıik, elimizde ishki týrızmdi qoldaý maqsatynda memleket kásipkerlerge jeti baǵyt boıynsha ótemaqy men sýbsıdııa beretinin jazǵan edik.