Sharyn parkiniń fototuzaǵyna Qyzyl kitaptaǵy qaraquıryqtar ilikti
ASTANA. KAZINFORM — Sharyn memlekettik ulttyq tabıǵı parkiniń aýmaǵyndaǵy Qyzyl kitapqa engen qaraquıryqtar fototuzaqqa túsip qaldy.
Sharyn memlekettik ulttyq tabıǵı parkiniń aýmaǵynda ornatylǵan fototuzaqtarǵa Qazaqstan Respýblıkasynyń Qyzyl kitabyna engen sırek kezdesetin janýar – qaraquıryq (Gazella subgutturosa) tirkeldi.
Qaraquıryq – shól jáne shóleıtti aımaqtardy mekendeıdi, óte saq ári júırik janýar.
Ulttyq park aýmaǵynda sırek kezdesetin janýarlardy qorǵaý jáne olardyń tabıǵı mekendeý ortasyn saqtaý baǵytyndaǵy jumystar júıeli túrde júrgiziledi. Sonymen qatar, fototuzaq qurylǵylary arqyly janýarlar dúnıesine turaqty monıtorıng jasalyp, olardyń taralýy, sany jáne tirshilik erekshelikteri baqylaýǵa alynady.
Aıta ketelik Qusbegilik federatsııasynyń múshesinen Qyzyl kitapqa engen 35 jyrtqysh qus tárkilengen edi.
