Sharyn memlekettik ulttyq tabıǵı parki aýmaǵynda elikter fototuzaqqa túsip qaldy
ASTANA. KAZINFORM - Sharyn memlekettik ulttyq tabıǵı parkiniń (MUTP) aýmaǵynda jabaıy tabıǵatty zertteý jáne baqylaý maqsatynda ornatylǵan fototuzaqtarǵa elikter túsip qaldy.
Bul týraly QR Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz qyzmeti habarlady.
- Bul kadrlar – Sharyn MUTP aýmaǵynda jabaıy janýarlardyń erkin jáne qaýipsiz tirshilik etip jatqanyn kórsetedi. Elikter ekojúıe tepe-teńdiginiń kórsetkishi sanalatyn sútqorektilerdiń biri. Mundaı baqylaý derekteri bizdiń tabıǵatty qorǵaý men zertteý baǵytyndaǵy jumystarymyzdyń nátıjesi. Jabaıy janýarlardyń baqylaý jumystary jalǵasýda,- delingen habarlamada.
Osyǵan deıin Shyǵys Qazaqstan oblysyndaǵy Óskemen orman sharýashylyǵynyń qyzmetkerleri janýarlardyń kóktemnen aman shyǵýyna jaǵdaı jasap otyrǵany týraly jazdyq.