Sharıǵat shálisin jamylǵandarǵa qurmetpen qaraýǵa shaqyrdy
ASTANA. 1 qarasha. QazAqparat - Halyq qalaýlylary sharıǵat shálisin jamylǵandarǵa qurmetpen qaraýy tıis. Túrkııanyń premer-mınıstri Erejep Taıyp Erdoǵan parlament otyrysynda sharıǵat shálisine zańmen tyıym salynbaǵanyn el eleýlileriniń esine salyp ótti.
Buryn bılik basyndaǵy Ádilet jáne damý partııasy jetekshisiniń orynbasary Gúseın Chelık te eldegi saıası partııalardyń eshqaısysy Túrkııa parlamentinde sharıǵat shálisin jamylyp júrgenderdi basyna jaýlyq salǵany úshin sógip, jazǵyrýǵa qaqysy joq ekenin qadap aıtqan bolatyn.
Túrkııa turǵyndarynyń kópshiligi el bıliginiń sharıǵat shálisine qatysty tyıymnyń kúshin joıǵan sheshimin qýana qabyldady. Saýalnamaǵa qatysqan turǵyndardyń 74 paıyzy bul jańalyqty «progressıvti qadam» dep baǵalaǵan kórinedi. Bul týraly muslim.kz habarlady.
