Sháribaevtyń qarsylasy tıtýldyq aıqastan bas tartty
ASTANA. QazAqparat - Tıtýlǵa talasatyn aıqasynda Sháribaevtyń qarsylasy óz erkimen bas tartty, dep habarlaıdy QazAqparat tilshisi.
Negizi Aıdar Sháribaev keshe, 22 sáýirde Nıý-Djersıde tıtýldyq jekpe-jegine shyǵatyn bolǵan. Alaıda, qarsylasy eń sońǵy sátte aıqastan bas tartyp, jekpe-jek ótpeı qaldy.
Otandasymyzdyń qarsylasy amerıkalyq Zaharııa Remsı. Bul eki boksshy jeńil salmaqta WBA NABA-USA belbeýin sarapqa salý kerek edi. Qarsylasynyń jekpe-jekten bas tartqany sebepti kezdesý ótpeı qaldy.
Endi Aıdar Sháribaev rıngke kelesi aptanyń sońynda 28 sáýir kúni Chıkagodaǵy boks keshine qatyspaq. Ol jeńil salmaqta WBA tujyrymy boıynsha Soltústik Amerıka chempıony ataǵyna talasady. Búginde Aıdardyń menedjerleri jańa qarsylas izdestirýde. Sháribaev sońǵy jekpe-jegin 17 naýryzda Maıamıde meksıkalyq Gabıno Kotqa qarsy ótkizip, besinshi raýndta nokaýtpen jeńgen bolatyn. Ol áli birde-bir utylyp kórgen joq.
