Shardjadan Qazaqstanǵa ushatyn barlyq ushaqtardaǵy bos oryndarǵa jolaýshylardy otyrǵyzý júrgizilýde - QR IDM

ASTANA. QazAqparat - 2016 jylǵy 30 jeltoqsanda tańerteń Shardjaǵa Astana men Almatydan 215 jolaýshy (keshe "Air Arabia" reısterimen) ushýy qajet bolǵan. Reıster tumanǵa baılanysty keıinge qaldyryldy, dep habarlaıdy QR IDM Týrızm ındýstrııasy departamentiniń basshysy Marat Iǵalı Feısbýktaǵy paraqshasynda.

Qazir QR Investıtsııa jáne damý mınıstrliginiń jedel shtaby týroperatorlarmen, avıakompanııalarmen birlesip BAÁ baǵyty boıynsha, sondaı-aq Shardja áýejaıynan Qazaqstanǵa ushatyn barlyq ushaqtardaǵy bos oryndarǵa jolaýshylardy otyrǵyzý jumystaryn júrgizýde.

«Air Astana» ulttyq avıatasymaldaýshysy qazaqstandyq týrısterdi BAÁ-ge demalysqa jetkizý úshin  BAÁ-ge búgin ushýy tıis áýe kemesin  keńirek kemege  aýystyrdy.  

Atap ótsek, Shardja áýejaıynda áli de tuman. Ushaqtar men jolaýshylar jolǵa shyǵa almaı, kóptep jınalyp qaldy.

QR IDM jedel shtaby BAÁ-degi Bas Konsýldyqpen turaqty baılanysta.