Shardjada qaza tapqan apaly-sińliniń máıiti elge jetkizildi — SІM
ASTANA. KAZINFORM — 28 tamyzda QR Dýbaıdaǵy Bas konsýldyǵy qaza bolǵan Qazaqstan azamattary — Aqjan Bohanova men Juldyz Bohanovanyń denesin elimizge jetkizýdi uıymdastyrdy.
Syrtqy ister mınıstrliginiń habarlaýynsha, olardyń qazasyna qatysty BAÁ quqyq qorǵaý organdary tergeý jumystaryn júrgizip jatyr.
— Qazaqstandyq dıplomattar ámirlik prokýratýra men basqa da tıisti organdarmen jumysty jalǵastyryp, qaza bolǵandardyń otbasyna qajetti kómek kórsetip jatyr. QR Syrtqy ister mınıstrligi marqumdardyń týystary men jaqyndaryna qaıǵyra kóńil aıtady, — delingen habarlamada.
Eske salaıyq, buǵan deıin Birikken Arab Ámirlikteriniń Shardja qalasynda bir úıdiń eki qyzy qaza tapqanyn habarlaǵan edik.
