Shardja áýejaıynan qazaqstandyq týrısterdi attandyrý men qabyldaý qalypqa tústi
ASTANA. QazAqparat - Qazaqstandyq túrısterdi Shardja áýejaıyna (BAÁ) qabyldaý nemese attandyrý jumystary bir júıege tústi. Bul týraly Týrızm ındýstrııasy departamentiniń dırektory Marat Iǵalı málim etti.
Týroperatorlardyń aqparatyna qaraǵanda, 22:00-degi jaǵdaı boıynsha, túgelge derlik qazaqstandyq týrıster Astanadan jáne Almatydan Shardjaǵa, sondaı-aq Shardjadan Qazaqstanda taıaý ýaqyttaǵy reısterge ornalastyrylǵan.
«Búkil QR Investıtsııalar jáne damý mınıstrligi jedel shtabynyń barlyq qatysýshylaryna alǵys aıtqym keledi. Osy jaǵdaıdy jarııalaǵan barlyq jýrnalısterge, osy eki táýlik boıy úzilissiz jumys istegen Týrızm ındýstrııasy departamentiniń qyzmetkerlerine, Azamattyq avıatsııa komıtetine, BAÁ QR SІM konsýldyǵyna úlken rahmet»,-dep jazdy Marat Iǵalı Facebooktegi óziniń paraqshasynda .
