Shardaranyń Táýelsizdik jyldaryndaǵy jetistigi jaınyda beınerolık ázirlendi

ShYMKENT. QazAqparat - Shardara aýdanyndaǵy «Abaı» Mádenıet saraıynda el Táýelsizdiginiń 25 jyldyǵyna arnalǵan «Táýelsizdik - tuǵyrym» atty merekelik shara ótti, dep habarlaıdy aýdan ákimdiginiń baspasóz qyzmeti. Memlekettik ánuran oryndalyp bolǵan soń, zalǵa jınalǵan qonaqtardyń nazaryna «Shardara táýelsizdik jyldarynda» atty beınerolık usynyldy.

Munan soń sahna tórine aýdan ákimi Bolatbek Qystaýov shyǵyp, Qazaqstan Respýblıkasy Táýelsizdiginiń 25 jyldyǵyna arnap baıandama jasady.
«Qurmetti jerlester! Barshańyzdy Qazaqstan Respýblıkasy Táýelsizdiginiń 25 jyldyǵy merekesimen shyn júrekten quttyqtaımyn.

1991 jyly 16 jeltoqsanynda qazaq eliniń shejiresine máńgi engen «Qazaqstan Respýblıkasynyń memlekettik táýelsizdigi týraly» Konstıtýtsııalyq zańy qabyldandy. Halqymyzǵa ǵasyrlar boıy arman bolǵan táýelsizdik bizdiń urpaqqa buıyryp otyr. HH ǵasyrdyń basynda Alash kósemderiniń basty maqsaty - týǵan halqyn, elin terezesi teń, táýelsiz memleketke aınaldyrý basty armany bolǵan edi. Táýelsizdiktiń 25 jylynda elimiz ulanǵaıyr belesterdi abyroımen baǵyndyra bildi. Táýelsizdik shejiresiniń árbir jylynyń biz úshin máni bólek, mańyzy aıryqsha»,-dedi aýdan ákimi.
Aýdan ákimi Bolatbek Qystaýov aýdannyń áleýmettik-ekonomıkalyq damýyna úles qosqan bir top azamattardy túrli memlekettik nagradalarmen marapattady. Atap aıtar bolsaq, Elbasy Jarlyǵymen Qazaqstan Respýblıkasynyń Qurmet Gramotasymen aýdan ákiminiń orynbasary Tursynqul Baıturǵanov, «Shapaǵat» medalimen uzaq jyldar boıy densaýlyq salasynda jemisti qyzmet etip kele jatqan Túımebaı Álmenov marapattaldy.
Sonymen birge, Elbasy Jarlyǵymen berilgen «Qazaqstan Respýblıkasy Táýelsizdigine 25 jyl» merekelik medaldary ardager ustaz Mahmud Momynovqa, densaýlyq salasynyń ardagerleri Bazarbaı Áýezov pen Jálel Hamıtovqa, «Ósken óńir» gazetiniń dırektor-redaktory Esenbaı Beısenbıev pen osy redaktsııanyń baspasóz hatshysy Meıirhan Ańlamasovqa, №16 kolledj dırektory Zákirhan Talbıdınge, aýdandyq fýtbol mektebiniń dırektory Ermek Amanqulovqa, «Sharaına» gazetiniń redaktory Nurmahan Qaryǵa, qaladaǵy Maıqala aýylynyń bıi Janaıdar Bıtýǵa, aýdandyq Qajylar qaýymdastyǵynyń tóraǵasy, kásipker Dáýlet qajy Ózdenbaevqa, aýdandyq máslıhattyń depýtaty, kásipker Erjan Qarabaevqa jáne basqalarǵa saltanatty jaǵdaıda tabys etildi.
Merekege arnaıy kelgen Qazaqstan Respýblıkasy Bilim jáne ǵylym mınıstrliginiń respýblıkalyq bilim salasyndaǵy baqylaý komıteti tóraǵasynyń orynbasary Talǵat Eshenqulov shardaralyqtardyń qýanyshyn bólisip, Táýelsizdik merekesimen quttyqtady.